TAMAZIGHT TASDENT TUGHLILT IZDEGHEN TUMAST INU.

25 octobre 2008

TAMAZIGHT TASDENT TUGHLILT IZDEGHEN TUMAST INU. rtf copiedeawaldudmmi81.rtfrtf awal d udêmmisrtf copiedeawaldudmmi81.rtf         Ur lligh mec ur telli.Zeg iff nnes ayd ttêdêgh acfay uzddig.Nettat ayd i ighman tifassin inu s unli(le hénné),nettat ayd i ibubban ghif tadawt nnes,terba yi alley zmergh ad ad beddegh ghif ighsân inu.Ur nnigh ad ttugh iriran nnes.Tuqlatin nnes zedghent imjjan inu.Ar inggey wul nu s uzûgh nnes.S tidi nnes as da ssiridgh udm inu.Nettat urakw izedghen amessuy inu.Ur illi awd yan ibêd ger i ids.Id da ittili ibêd ger urakw d umessuy mec ur serun akw g yat tikkelt?!.Uhuy.Ur nnigh ad ids bdûgh xas mec tekcem tasemdî n temtant ger ighêss d ilm nnes.Nettat ayd igan taduli n ighsân inu.Nettat ayd i yakkan tirghi n tudert.Nettat as da seksiwgh igelwan inu.Nettat ayd igan asidd i tallenin inu.Nettat ,s unya n usellexsey nnes ayd i yakkan timitar n tudert tughlilt.Tga tasdent tughlilt izedghen tumast inu.

ACENYAL N UFRA.

21 avril 2009

    Acenyal nnem a tamazight ar itteferfîd g wul nnem.G uyrri nnem tella  titrit tazegzawt iccefn g tjumma tazeggwaght am tjeddigt n igenna yaghn ammas n ugelmam azggwagh.Tajddigt n igenna igman g uzûgh nna zrin imexfarn(les martyrs).Tajddigt yakkan ijj nnes i ku unamur issen tizzulya n ufuley.Acenyal nnem isur g usendux(le haut de la tête)nnem.Imghey,inbber(s’accroître) iddegh ar issumum azûgh nnem, ar isseflilliy,ar itteskan i inejda n ukud timitar n tudert n ufra lli ar sdiddin imttilsen(les malfaiteurs,les nocturnes).Acenyal nnem ibedda ghif usegtur lli mi tella tarcext (la manche)nnes ger ifassen nnem.Acenyal nnem ar itteferfîd ,ar ittirir,ar ittazn tibratin s wafriwn n itbirn.Ar ittini : »atig n ufra iga t isaffen n uzûgh  ».S uzûgh as tggwid zeg wacal n tmazirt nnem tughrift n tudert.Ar takkad i inejda ad awghen maca mec nnarzn ad am kkesn tughrift ad awghen i uzûgh nsen.Titrit tazegzawt igman g uhrûd(le bassin)n uzûgh ayd igan tamatart n ufra gh ukud n tallest.Atig n ufra ur ibarx(être moins cher).Atig n ufra(la paix) iga t ughbalu n uzûgh ingin zeg izêghran nnem.Acenyal nnem ar ittaley ku tifawt s izakarn lli ur gin xas izenzifn(les nerfs) nnem .Acenyal nnem n ufra ar ittazn tibratin s mayd igan tanila.Tibratin lli turud s ucfay d uzûgh nnem mar ad ssefrunt inumak n umwadm d umyawaz.  

ITRAN N WAMAN

18 avril 2009

     Tlid a Tamazight g wallen itran n waman.G tisit issiggan zeg taqqayin n tittawin nnem ufigh timqqa n imettawn izêrrifn igan am itran issiggan zeg wabûd n waman.Ufigh asidd ittesadadn abrid n waraw nnem ibukad lli ur ta ufin atta(l’esprit) nsen.Itran nnem issiggan zi tqerwin nnem gan timitar i wa-lli izlan abrid nnes g ukud n tillas.Itran nnem gan isufa ittesadadn isunaf dat iderghaln d idermaln lli ur ssuddin xas ighfawn nsen.Itran nnem gan aghbalu n usidd i wa-dda ur ta yucizn anamk(le sens) nnes.Itran nnem gan ay-lli ittezutf uderghal istterfusn g ifri n tallest.Itran nnem gan timqqa n imttawn nnem nna da ssewun izliwwa nnem .Itran nnem izêrrifn(argentins)gan idrizn n usnekmer arendad n uratim,n ukud n tillas.Itran nnem gan tufert(le secret)n izêmumr nnem.Itran nnem gan isufir i wul nnem yusin cigan n unezwum izzayn.Itran nnem ar tteraran i uderghal d udermal izêri nsen inemn(droit).Itran nnem gan irazifn(les cadeaux)nna da ttafan imerza g wabûd n trusi nnem.Itran nnem gan ay-lli izrey Unzar g tqerwit nnem.Itran nnem gan irazifn n Unzar g tfugla n iwl nnem.Itran gan timqqa n uryabbuh(la pitie).Tga tît nnem a Tamazight aghbalu n uryabbuh i uderghal d udermal.G usidd n wallen ar ittafa annirs d tghellist d usarad(la tranquilite).

IZLIWWA N UKUD.

18 avril 2009

    Tlid a Tamazight izliwwa g udm nnem.Izliwwa(les rides) lli ighza uratim(le destin)g ilm nnem gan idalign(les decorations)n uburz nnem.Ran icenga nnem izballaghn ad am ten ghmun s tiferzeggwaghin(les taches)n ukuä(l’infamie)maca ur zmirn.Izliwwa nnem gan wi-n ukenfer,usgherres,ushirrey(la resistance).Izliwwa nnem ghban ar nggin s uzûgh nnem,s ucfay nnem azeggwagh,s tidi nnem.Izliwwa nnem gan ighbula nna zi digsen ttagmen waraw nnem aman n tudert,azêmam(le jus) n uzêmumer(la puissance).Izliwwa nnem gan izwawadên(les lignes) n twengimt(la raison) g tefkuyt(le tableau) n usenflul.Izliwwa nnem gan itersan n udyan(l’histoire)lli ur ta ufin asafar nsen.Izliwwa nnem gan timitar n ulzay(être en bonne sante) n umessuy d urakw nnem.Izliwwa nnem gan idrizn lli izrey umxerfaf(la lutte)arendad imelluga(les ennemis).Izliwwa nnem gan ibdan ger igran n ukud nnem.Izliwwa nnem gan isunaf(les sentiers) nna da tekkant tisutiwin yat dart ta-yyad.Izliwwa nnem gan izriran n uhuskey(la beaute)g udm nnem.Izliwwa nnem gan ighman d iniln(les couleurs)issersaln izuran n umziray,n uzdukl(la pluralite)d umwadm(la tolerance).Izliwwa nnem gan isaffen issudun aman s ilel n ughezwar(la mer de l’univers).Izliwwa nnem gan icbixn n ukud abnabak(le temps sombre). 

AWUF D TAHH’UYT.

18 avril 2009

     Tlid a Tamazight awuf(l’épouventail) g yan ufus d tahh’uyt(la poupée) g wayyâd.G tirit(l’alarme)ar tteskand awuf i icenga nnem.Gh tartirit(la trève)ar tteskand tahh’uyt i tirbatin nnem.Awuf iga ugabib n umizi(le danger) dat icenga n tudert.Tahh’uyt tga agabib(le symbole)n usfugl s ta-dda mi ila uzubdu(la continuité) n uzrat (l’éspèce)ufgin(humain) ger ifassen d iffan nnes.Ta-dda issemran i tiram n tudert s uzûgh d ucfay nnes.Tahh’uyt tga udm agbaban(symbolique) n  tislit.Ku terbat zeg tarrawin nnem ar ttewarga ad t yasey umesnay nnes g isgi n teslit.Tahh’uyt nnem tga takasit n tisuta,yat ffir yat.Tahh’uyt tga tazrurt(le cadeau) ur ilin atig(le prix).S wawuf ar tteh’ufd imekfal(imacern n medden) n teslatin .Tahh’uyt mi tesselsid ih’ruyn nna tekkid da tezzâd s ifassen nnem.Tahh’uyt mi iga wazzar nnes azulay(lisse) am ifilan n umtâlsu(la soie),mi gan wacbabn nnes am ifilan  n wurgh(l’or).Tahh’uyt mi gan ighsân nnes am igettûmn n wanas(le cuivre).Tahh’uyt nnem tga udm isseflilliyn n teslit ilan tughmas n uzêrf(l’argent).Tga tazrurt inezzghn allen d ilddayn n imxxarn n trusi(le trésor).Awuf nnem ar issiwid iceffarn n tahh’uyt.Awuf nnem iga tifluyt iqqen n usgi g tezdegh tahh’uyt nnem.  

TITCERT N UFRA.

7 avril 2009

    Tlid a Tamazight titcert(la feuille)n ufra ger ifassen nnem.Trid tudert n ufra,n udêlas,n unnirs.Ur teh’mild ad teghmud tiduh’al nnem s uzûgh n wi-yyâd.Mec ur cem glin ad ttasid asegtur ur tennid ad t i tasid.Afra ghur m ila cigan n tizzulya(la valeur).Adlis n ufra teh’sid t asl(sans)ad t i turud.Adlis(le livre)n ufra ila mennaw n titecrin ikkarn s inumak n udêlas, annirs,anumka,tiggurg,d uburz.Adlis n ufra lli tectutid(se rappeler bien)ila tizzulya n udlis afuzal(sacré).Ur tennid ad teh’uzrefd(ih’urf azref) idasisn(les frontières)n uwayêt mec ur isurzref(isurf azref)iwetta nnem.Ur tessind azdâm n wi-yyâd.Ur ar ttaceld acal nesn xas mec ikka yucl wi-nnem.Tazugayt nnem : »Azdâm i wa-nna ur issin aghdam ».Mec izrey ca n ucengu taferzeggwaght(la tache) n tirizza(l’infamie) g yan ukud ar t i ttesfâd s uzûgh nnes.Ar tessedkald udm nnem dat n ucengu iran ad am t ibbey.S usbijjeg (la fièrté)ar as tteskand mec ittu adriz n titi nnem ittezbbaän axdil nnes.Ad isâuqqey(vomir)ucengu ay-lli mi yiwgh g unrar nnem asl n ususl(l’autorisation) nnem .Tudert nnem tebzen(être simple)aha teghba(être profonde).Tudert nnem tbedda ghif sin idârn ,asegtur d ughenja.Asegtur i ucengu,aghenja i unebgi.

ABERREH’MU.

7 avril 2009

     Tessigd ighf a Tamazight i uberreh’mu aghrarad(trés étendu).Ar ttazêd izêri nnem s icgagn .Ar tteghmud tifelwit n igenna s iniln.Ar tgennud igenna d wacal s ifilan nna tellemd.G uberreh’mu(l’espace)nnem ar ttisiln imejjan nnem i mennaw n izâwanen.Ul nnem ixatr,innarzêm ghif tlawt n wi-yyâd.Aberreh’mu nnem iga abaraz n uh’urjej(le jeu)ar gis ttemmeyabbayn imussutn .Aberreh’mu nnem ifley(être large)am ucbu nnem.Ar ittumermûd(être animé)s mennaw n medden.Aberreh’mu nnem iga am uberzreg nna gis da zzadên medden iwaliwn.Aberreh’mu nnem iga urti n usedwen (le fait d’imaginer)d udemmem(le fait de penser).Aberreh’mu nnem innêd i ubergemmi nnem itteyanfen s tnibba ghif igenna.Ibergemmi nnem ilan tabdânt(le toît,le plafond) n ih’niyn ,iddeln s irris(l’argile) ,ibeddan s iselliwn uflih’n immeslaghn s tameggwat(la pâte) n irris d walim,ibedda dat uxrarâd(l’érosion),dat iceldîyn(les tempêtes) n utarim(l’ouest) negh n iming(l’orient).Meqqar nnan ghif s is ikses(être fragile)ar ishirrey(résister) dat  uzellezdey(le tremblement de terre).Ibergemmi nnem ibedda g uberreh’mu nnem amm is iga tannalt(le pilier) n igenna ghif wacal.Azwu nna ikcemn zi tnibba zâr m ur da izellegh(entraîner)s amya.Ar itteffegh zi tifluyt zund ur ikki.Ar ittesrar uberreh’mu nnem adêlas(le fait de se calmer).

ASEKWTEY N TWENGIMT.

26 mars 2009

    Tlid a Tamazight asekwtey n twengimt(la raison)ger ifassen.Ar tezzâd awal ar takkad tazemni nnem s ils nnem i imejjan uhriwn(larges).S uzreg n tdelsa as ar takkad i tudert nnem timitar tusligin(privées)d tunfilin(particulières).Awal nna da tezzâd iga arakw(l’âme)ittarusn g imjjan am igdâd g igetfan(les nids).Awal nnem nna da tezzâd imyaway d tmezzûlt(la logique).Awal nnem yafuf iddegh ikka inifif n imejjan nnem dat n wad ikcem awd igurran(de longues oreilles)n imitar.Awal nnem izeddig ,ar ittesdus tiwengimin tilqqaqin(fragiles).Awal nnem iga aghrum yakkan azurn n tudert.Awal nnem inebber g uzaragh(le champ)n tirmit am ifs g iger n imendi.Awal nnem ifsa ar yakka taydert n tudert.Awal nnem iga asni n twengimt yuman g uyerri nnem.Awal nnem iga tudert ittemmexerfafn(lutter) d temtant.S usekwtey n twengimt ar tezzâd itnan(les obstacles)n tudert.S wawal nnem as ar tserrid tikmmisin nnem.Ar tessurerruyd asekwtey n twengimt arendad iceldîyn (les tempêtes)n uratim(le déstin)n iqermammeh’n(les puissants). 

AWAL ADRARAC.

24 mars 2009

    Tlid a Tamazight awal adrarac(vivace) iddegh ar isreqqat(scuplter)adriz nnes g tilluna n imjjan n tsutiwin(les générations) immetêfarn.Idrus is ighma s uselmegh(l’encre)ghif titcert tumlilt negh nnig tiffal n ugwlim(la peau).Meqqar kkan ghur m idlisn maca ijder ten wafwa n imttilsen,icenga n usidd,ibaghrarn n tallest,wi-lli myarn ad kkesn i ufgan ma s isnuh’yu tawengimt nnes.Idrurc wawal nnem meqqar kkan tamazirt nnem wi-lli isdiddin araw nnem ad asen bbin ilsawn mec saweln s wawal nnem!Izdudgh wawal nnem g twengimin n waraw nnem ustibn d uzdiln.Indêw itnan(les obstacles)n ukud ughzif ilcemn g taghzi nnes ger crâd d kûz igiman(des milliers) n iseggwasn!Awal mi tedrus tirra iqqiman ar dghi isul idder iddegh ur t i ttun waraw nnem.Mec kkan itsn imedlalasn(les intellectuels)ar tturun s ils alatin negh s ilsawn yadên hat is ran ad sselcemn tidmi(la conception)nsen d uswigm nsen i igdudn issen i ilsawn ddegh.Imedlalasn ittêdên acfay nnem kkan ar tturun s uselmgh ur igin xas acfay nnem.Imedlalasn ddegh ultin(célébres)zrin idrizn(les traces) umliln g usenflul (la créativité)n umadâl(le monde).Awal nnem ih’rin tidmi d uswingm nnem icrurd g twengimin n tisutiwin nnem.Awal nnem itteyara ghif tilluna n imjjan ay-nnagh as ur izmir awdyan ucengu ad t isfêd acku aselmegh nna s itteyara ur ar ittuzmak zeg uberraniy.Awal nnem acrarad iga azan (le message)n wul nnem i unelli n waraw nnem.  

ALLEN N TZEMNI

24 mars 2009

    Tlid a Tamazight allen n tzemni.Izêri nnem ighrurêd(être très étendu),izrurq(être très clair),intutl(être très loin).Izêri nnem ar ittaru s usidd tazemni nnem ghif tifelwit n tillas.Izêri nnem azemnan(sage)ur djin indêw icgagn nnem.Ur djin tekkid tennarzd g uyda d tayla n wi-yyâd.Adasis nnem iga wi-n unrar nnem.Ur djin tessurfd iwetta nnem alley tusid asghan ilulan g iming(l’orient).Mec uceln waraw nnem adday n Urubba hat ddaw ucenyal n imulsemn.S uzalla(la vengeance) zeg irumin ikkan ar ttawghen g uzâghar n ugafa n tmazirt nnem as tesuseld i waraw nnem ad anfen ibergemmitn d igweddimn n « Ludriq »dat imulsemn n iming.Ur djin ikki umalad(le vice)imi nnem taf ad yagh g imjjan n wi-yyâd acku tazemni nnem ar cem ttarey zeg unaruz(au sens de convoitise).Tazemni nnem tersusl(être fondé) ghif ufra(la paix)d uzrekka(le respect) d umwadm(la tolérence).Mec teh’bibêd asghan amulsem hat ur tettud izerfan nnem as da tferrud isaridên n waraw nnem.Tazemni nnem tella g izerfan nnem.Ur djin tebbid ifassen i imicr taf ad ikucm aha iqqim ddaw uryabbuh(la pitié)n imajayn(les voisins) wala tebbid ighf i unebkâd(le criminel)inghan ca.U-nna yucern ad ifru izmaz.Mec yuls askkir nnes ad izug.Igh ingha ad ifru tamegridt .Mec ur izmir ad izug.Izerfan nnem ur ssin aselqu(la punition) s ughezzu(la prison)d uskucm(le fait de rendre qqun paralysé).Anebkâd ur yuklal tudert n uburz g uwsi nnem.Ur yuklal(mériter) xas ad isseghra zâr wi-yyâd.Yuda s ad idder gar tudert iddegh iga isighi(le protégé)n uberraniy .

TAGHERRABUT N TUDERT.

21 mars 2009

     Tlid a Tamazight tagherrabut n tudert ger ifassen nnem.S teglut nnem ar ttemmexerfafd(lutter) d imzazn(les vagues) n wasif d ilel.Ar tnettûd itnan n uratim(le déstin)s ussisn (les éfforts)n ighaliwn nnem.Ar th’errid tagherrabut n tudert nnem ammas n ugarew(l’océan) ikkarn s ibaghrarn(les fantômes).S tazemni nnem ar ttatmed(éviter) i imzazn izêmammarn(puissants).S teglut igan am usegtur(le sabre tranchant) as ar tekkesd amur n tudert nnem zeg ugrûd (l’ogre).Tazemni nnem tella g tinfas d umiyn nnem isselmadn i waraw nnem man imc ittegga ufgan ahermîd(maigre)ad inexxu(vaincre)agrûd d ubaghrar lli da di ih’errey umzaz axatar.Araw nnem ufan g umxerttêf nnem d uratim n ugrûd d ubaghrar talamit(la leçon)a sen itteskan agharas isselcamn s tamanget d uburz. Tlid tagherrabut n tudert ittekrajn abrid nnes s uzûgh ghif tibrâd n taddângiwin(les vagues),ittamsen tiferzggwaghin n ukuä(l’infamie) nnig n twenziwin n ugrûd d ubaghrar.Tlid tagherrabut ittuskan zeg ighsân n inebghaghasn(les courageux)ifkan tudert nsen taf ad sxurremn(repporter)tamtant n tarwa nsen.Tagherrabut nnem tusey inejda n tudert iran ijjeyal nnes. 

12345...8